Senatorê DYA Lindsey Grahamî derheqê hêrişanê dewleta tirkî ê Til Temir û Kobanê de hişyar kerd û va: “Eke wina dewam biko têkilîya ma Tirkîya reyde bi temamî qedîyena.”
Senatorê Komarperestan Lindsey Grahamî seba ke vakur û rojhelatê Sûrîye ser o dagirkerîye bêra vindarnayene vera qerarê Donald Trumpî ray dabi, na reye zî hêrişanê Til Temirî û Kobanê ser o hişyarîye daye.
Grahamî qiseyê Serekkomarê Tirkîya Erdoganî nîşan da ke vatibi ‘Ma wazenê şorê Kobanê’ û hişyar kerd ke ganî Erdogan têgêrayîşanê ke Kobanê û Til Temir de nakokîyî zêde kenî, xo înan ra dûrî bigêro. Grahamî hesabê xo yê twîtterî ser o no mesaj da: “Eke herêmanê Kurdan û Xiristîyanan ser o hêrişê dewleta tirkî dewam bikê, têkilîya Tirkîya û DYA do biqedê. Ez veng dana Tirkîya ke ganî vindera û têkilîya xo ya ke pê ser bikewa, do xirab nêkera. WASHÎNGTON
