Navenda Nûçeyan
Çalakiya greva birçîbûnê ya bêdem û bidorveger a bi armanca rakirina tecrîda li ser Rêberê Gelê Kurd Abdullah Ocalan û dawîbûna binpêkirinên mafan ên li girtîgehan, di 27’ê Mijdarê de ji aliyên girtiyên PKK û PAJK’ê ve hatibû destpêkirin di roja 23’yemîn de bi biryardarî didome.
Li Girtîgeha Jinan a Sîncan Dîber Tanrikûlû li ser çalakiyê ev peyam şand: “Armanca çalakiya me rakirina tecrîda li ser Rêbertiya me û azadiya wî ya fîzîkî ye. Berî her kesî mafê Rêbertiya me heye ku di nava gelê xwe de bijî. Ji bo vê jî tişta ji destê me bê em ê bikin. Çalakiya me heta bigihêje armancên xwe dê bidome. Em bi bawer in ku wê çalakiya me encamekî mezin a serketî bi xwe re bîne. Divê her kes destê xwe bixe bin kevir. Em bi hev re vî barî rakin û bigihînin serketinê.”
