Greva birçîbûnê ya li ber avahiya Parlamenta Ewropayê ya li Strasbourgê di roja 5’an de ye
Çalakgerên ku duh êvarê li bajarê Freiburg ê Almanyayê bêhn vedan, bi wesîleya Hefteya Lehengiyê çalakiyeke bîranînê pêk anîn. Çalakger serê sibehê saet 09:30’î berê xwe dan Strasbourgê û gihîştin ber avahiya Parlamenta Ewropayê. Hate ragihandin, ji ber ku çalakî 5 rojan carekê bi dorvegerî tê kirin, dê destpêka hefteyê roja Duşemê ji nû ve bidome. Ji ber ku dawiya hefteyê avahiya Parlamenta Ewropayê girtî ye, dê vê êvarê bi dawî bibe û roja duşemê bidome.
Jin û ciwanan çalakiyeke hevpar a rûniştinê pêk anîn û Parlamenta Ewropayê şermezar kirin. Jinan piştre xeleka jiyanê ava kirin û berê xwe dan avahiya Parlamenta Ewropayê û dirûşmên “Bijî Serok Apo”, “Bê Serok jiyan nabe”, “Dengê greva birçîbûnê bibihîzin, pêşî li mirina mirovan bigirin” berz kirin.
Di nava rojê de dê bi beşdariya çalakgerên greva birçîbûnê meşeke girseyî pêk were. Çalakger dê ber bi Place Klaber a Strasbourgê ve bimeşin. Çalakgerên greva birçîbûnê dê roja duşemê li ber avahiya Konseya Ewropayê çalakiya xwe 5 rojan bidomînin. STRASBOURG
