Hevseroka KCD’ê û parlementera HDP’ê ya Colemêrgê Leyla Guven, li dijî tecrîdkirina Rêberê Gelê Kurd Abdullah Ocalan 136 roj in bi biryardarî li ber xwe dide. Çalakiya girtiyên li girtîgehan di greva birçîbûnê de 98 roj, çalakiya Nasir Yagiz 123 roj û çalakiya 14 çalakgerên Strasbourgê jî 97 roj in didome
Berxwedana grevên birçîbûnê ku bi armanca rakirina tecrîdkirina Rêberê Gelê Kurd Abdullah Ocalan dest bi greva birçîbûnê ya bêdawî û bêdorveger kiriye, 136 roj in didome. Çalakiya Endamê HDP’ê Nasir Yagiz ê li Hewlerê bi heman armancê 123 roj in didome. Çalakiya 14 çalakgerên li Strasbuorg û ya Îmam Şîş a li Gallerê 97 roj û çalakiya koma ewil a girtiyên li girtîgehê ku di 16’ê kanûna 2018’an de dest pê kir 98 roj in didome. Di 1’ê adarê de jî, li tevahiya girtîgehan girtiyên PKK’ê û PAJK’ê dest bi greva birçîbûnê ya bêdem û bêdorveger kirin, di roja 22’emîn de ber dewam dike.
Di 3’ê adarê de jî parlamentera HDP’ê ya Amedê Dersîm Dag, di 8’ê adarê de jî parlamenterê HDP’ê Tayip Temel û Murat Sarisaç li avahiya HDP’ê dest bi çalakiyê kirin.
Sedat Akin jî li Girtîgehae tîpa T a Erzînganê bi heman armancê dest bi greva birçîbûnê ya bêdem û bêdorveger kiribû. Akin piştî hat berdan, li mala xwe ya li Êlihê çalakiya xwe di roja 76’emîn de berdewam dike. Gurbet Ektîren a li Girtîgeha Bakirkoyê di 15’e Çile de dest bi grevê kir û di 8’e Adarê de hat berdan di roja 68’emîn de li Navçeya Dêrikê ya Mêrdînê çalakiya xwe berdewam dike.
Çalakiya greva birçîbûnê ya bêdem û bêdorveger a Endama Koordînasyona Meclisa Îştar Fadîle Tok jî di roja 63’an de didome. AMED
