Vîşêrê 15 hepsîyê ke 30ê Nîsane de dest bi rojeyê mergî kerdbî, vizêr 15 hepsîyê bînî zî semedê şikitişê tecrîdê serê Rayberê PKKyî Abdullah Ocalanî dest bi dest bi rojeyê mergî kerdî
Çalakîya grevê vêşanîye ya bêdem û anêgêrayîşî ya Hemsereka Kongreya Komela Demokratîke (KCD) ya verên û Parlementera Partîya Demokratîke ya Şaran (HDP) ya Colemêrgî ya verên Leyla Guvena ke seba wedarnayîşê tecrîdê serê Rayberê PKKyî Abdullah Ocalanî dabî destpêkerdiş roja 185. de dewam kena. Leylaye 8ê Teşrîna Peyêne de Zindanê Amedî de dest bi grevê vêşanîye kerde û badê ke 25ê Çele de serbest ameye veradayene keyeyê xo de çalakîya xo dewam kena. Badê Guvene 16ê Kanûne de zindananê Tirkîye de zî çalakîya grevê vêşanîye dest pêkerdbî û 1ê Adare de zî vilayê pêroyê zindanan bîye. 15 hepsîyê PKK û PJAKî 30ê Nîsane de çalakîya grevê vêşanîye açarnayî rojeyê mergî û vizêr 10ê Gulane de sewbîna grûba ke 15 kesan ra yena dest bi rojeyê merdî kerde.
Nameyê 15 hepsîyê ke vizêr dest bi rojeyê mergî kerdî:
Zîndanê Kandara: Yaşar Cîbaş, Mûhammed Înal, Diyadin Akdemîr, Engîn Kahraman.
Zîndanê Tîpa Fyî yê Bolu: Îbrahîm Dogan, Ahmet Emîn Eren, Mûstefa Taşan.
Zîndanê Patnosî: Sena Efe, Bûrhan Şik, Faysel Atak, Şefîk Kayhan.
Zîndanê Tekîrdagî yê Hûmara 1: Reşad Ozdîl.
Zîndanê Tekîrdagî Hûmara 2: Zekî Bayhan, Yilmaz Yildiz.
Zîndanê Asayîşo Berz yê Wanî: Saît Ozturk. AMED
