Grûba nîjadperestan vizêr saetanê şewe de hewl daye hêrişê gorê endamê Grûp Yorumî Îbrahîm Gokçekî ke rojeyê mergî de cuya xo vindî kerd, bikera. Grûba nîjadpereste ameye Goristanê Halef Hoca yê qezaya Talasî ya Qeyserî û ewja de tehdîtê ‘Ma terorîs nêwazen. Eke polîs şêro ma do helbet cenaze gor ra bivejnî û bivêşînî.’ berz kerde.
Polîsan destûr nêda ke grûba nîjadpereste dekewa goristan. Grûbe badê ke demêk vindete vila bîye. QEYSERÎ
