Wendekara Unîversîteya Munzurî Gulîstan Dokuye 5ê çeleyî ra nata vînbîyaye ya. Bînşewe reyna medyaya komelkîye de seba ke 130 rojî yo Doku ra xeberêke çîn a pê hastagê #Barajibosaltin (Wa awbend bêro vengkerdene) ame vengdayene ke wa Doku cade bêro vînayene.
Dêrsim de her ca de semedê ‘asayîşî’ kamerayî estê la derheqê Gulîstane de dîmenêk zî çin o. No zî dano şikkerdene ke Gulîstane bîya qurbana cînayetêko plankerde. Tay dîmenê MOBESE zî estê ke nêzanîyenê aîdê Gulîstane yan nê. Keyeyê Dokuyî wazeno ke nê dîmenî bêrê zelalkerdene.
Cinîyî bi rojan o ke kuçeyan û twitter de wazenê ke awa awbendanê Dêrsimî bêra vengkerdene û xebatê cigêrayîşî zî teberê awbendan de zî bêrê kerdene. Waka Gulîstan Dokuye Aygule Doku zî îfade kerd ke hînî cigêrayîşêko aktîf nêno kerdene û waşt ke wa waya ci cade bêro vînayene. DÊRSIM
