Endama Koordînasyonê PAJKî Şimal Ulkem Guneş Stêrk TVyî de weçînitişê 14ê gulane yê Vakurê Kurdîstanî û Tirkîya û babetê muhîmî yê rojdemî erjnayî. Guneşe sere de şehîdê aşma gulane yad kerdî û nê vatî:
Waştişê şar, ciwan û cinîyan û dostanê kurdan o yo ke wa tecrîdê serê Rayber Apoyî bêro wedaritene û azadîya ci ya fîzîkîye bêro caardene. Têna dewleta tirke nê hêzê mîyanneteweyî zî tecrîdê Îmraliyî ra berpirsîyar ê. Hêzê kapitalîstî pê cezakerdişê Rayber Apoyî wazenê Rojhelatê Mîyanênî de hegemonyayanê xo rayra berê. Zanê ke Rayber Apo, têgêrayîş û şarê ma verê nê de asteng ê. Coka pê heme hêzê xo hêriş kenê.
Bitaybetî hêrişê vera cinîyan dahîna zaf ê. Weçînitişanê Tirkîya û Vakurê Kurdîstanî de na rewşe reyna vejîyaye werte. Mîtîngan de sloganê ‘Bijî Serok Apo’, û ‘Jin Jiyan Azadî’ Vejîyayî vernî. Nê wird sloganan morê xo da prosesî ro. Reyna waştişê azadîya Rayber Apoyî û heme tepişteyanê sîyasîyan ardiya ziwan.
Nika hêrişê vera Mexmûrî de serkêşîya cinîyan de xoverdayîş yeno rayraberdene. Reyna Şingal de zî wina hêrişî est ê. Şingal de xoverdayîşê cinîyan ê vera DAIŞ û dewleta tirke vejîya vernî. No tradîsyonê xoverdayîşî netîceya keda Rayber Apo û şehîdan de vejîya werte. Waranê weçînitişî de zî xoverdayîşê cinîyan vejîya vernî. Rixmo ke rejîmê faşîstî yê AKP-MHPyî heme hêzê xo fîna dewre Kurdsîtan de binkewt. Nêeşka îradeyê cinîyan û kurdan bişikino. Ez pê bawer a ke şarê kurdî do 28ê gulane de nê rejîmê faşîstî bin bifîno.
Gerek kiştoxê şarê kurdî Erdogan vîn bikero. No semedê rijnayîşê rejîmê faşîstî firsetêko tarîxî yo. Hîzbulah bi destê AKPyî kewt meclîs. No îtîfaq dişmenê cinîyan o. AKP çîyano ke eşkera nêeşkeno vajo bi destê HUDA PARî vano. Coka zaf muhîm o ke her kes raya xo vera nê rejîmî bişuxulno. Bitaybetî ez veng dana cinîyan û ciwanan rayanê xo bişuxulnê. No îqtîfaqo nerî têna pê têkoşînê cinîyan eşkeno bêro parçekerdene, vilakerdene.” BEHDÎNAN
