Wekîla Partîya Çep a Keske ya Mêrdînî Bêrîtan Guneşa ke hema hema ber bi ber gêrena û şarî goştarî kena derheqê rojdemê şarî de ANFyî rê qisey kerd.
Guneşe nê vatî: “Rojdemê şarî de krîzo ekonomîk, şer û bîlançoyê ci yo giran û polîtîkayê tecrîdî yê. Ma ra persenê vanê senî yew xarîtaya şima ya rayîrî est a. Kesê ke ma tewr pêvînayîş kenê ma vînenê ke senî heqê înan ameyî binpaykerdene. Wazenê ma vengê înan bidê eşnawitene.
Rojanê peyênan de veradayîşê zaf tepişteyan ê ke 30 serrî yo zere de yê, yeno peydeştene. No rojdemê tewrê verên ê keyeyan o. Tepişteyê ke tehlîye bîyî ma înan reyde zî pêvînayîş kerdî. Ê sey leteyê tarîxê kurdan ê. 30 serrî dewlete şîya înan ser la ê sey roja verêne sereberz wayîrê dewaya xo vejîyenê. Rixmê nê serranê dergen ê zixm parya mendî û nê demî de xo xurtêr kerd o. Înanê ke 30 serrî yo meseleya kurdan çareser nêkerda, no semedê înan yew ders a.
Dewleta tirke bi polîtîkayanê şerê taybetî kena ke ciwananê kurdan nasnameyê înan ra raqilno. Serranê peyênan de tay ciwanî wazenê bibê polîs. Na rewşe senî bîye, senî kewt rojdemê ciwanan xora gerek nê pêro bigêrîyê dest. Na polîtîkaya bênasnamekerdişî kultur, tarîx, ziwan û bajaranê ci ra zî kena. Herinda înan de têna kulturê populerî danê. Wina ciwanî vîn benê. Feqîrîye, bêkarîye û sîstemê perwerdeyî zî sebebê nê yê. Ma wazenê nê prosesî pîya bi ciwanan û cinîyan rayra berê. Prosesê rexnekerdiş û xorexnekerdişî de ma yenê têhet. No programê partîya ma yo. Eke ma raşt rayra berê ma eşkeranê rayîranê çareserî vejê werte.” MÊRDÎN
