Amed de vera xespkerdişê şaredarîyan eşkerayîyêk ameye dayene. Parlamentera HDPyî Leyla Guvene bale ante muhîmîya yewbîyayîşê Kurdan ser û vat îtîfaqê Kurdan rê hewcedarîye esta
Parlamentera Partîya Demokratîke ya Şaran (HDP) Leyla Guvene semedê yewbîyayîşî veng da şarê Kurdî û şaranê Tirkîya.
Guvene bale ante xoverdayîşê şarî ser û va: “Vera polîtîkayanê hêrişkaran yewbîyayîş Kurdan û îtîfaqê Kurdan hewcedarîye esta. Ganî çar parçeyanê Kurdistanî de mucadele bêro xurtkerdene. Heta ewro ma heme destkewteyê xo bi xoverdayîş fînayî dest. Hîrê bajaranê Kurdistan de derbe ame kerdene. Çar parçeyanê dinya ra vera qeyûmî reaksîyonî ameyî. Ma şarê Tirkîya ra vanê ke erey mekewo, paştî bide, çîyo ke ewro ma rê benê , beno ke siba şima rê bibê. Şarê Kurdî qeyûman qebûl nêkeno. Wayîr îradeyê xo vejîyeno. Beno kem a demo ravêrte de kêm mendî la ewro ma do xover bidê. Wa aqilê xo bîgê sareyê xo, çew nêeşkeno nêzdîyê îradeyê şarê Kurdî bo. Nê hêrişî ramojnenê ke senî tengayî de yê. Peynîya înan biya nêzdî ya. Ma paştayîşê girdî şaranê Tirkîya ra pawenê. Heman wextî de Neçîrvan Barzanî ra zî vera naye tewir pawene.” AMED
