Leyla Guvene ke 86 rojî yo grevê vêşanîye de ya vat, “Dewlete di hamleyî kerdî. Labêlê ma her di hemleyî zî kerdî pûçî. Ma çalakîya xo xurt bikerîme. Çalakîya ma do nêzdî de ser bikewa. Xoverrodayîş ciwîyayîş o.”
Çalakîya nobete ya wekîlanê HDPyî ya verê bînaya KCDyî roja dîyine de ya. Parlamentera HDPyî ya Amedîî Salîha Aydenîze û Parlamenterê HDP’yî yê Mûşî Mensûr Işik çalakîye dewr girewte.
Salona ke serdayîşî yeno qebulkerdene de, resimê Leyla Guvene, Îmam Şîşi, Nasir Yagizi û çalakwananê bînan ê grevê veşanîye estê. Reyna pankarto ke ser o nuşto “Ma do tecrîdî bişiknîme, faşîzmî birjnîme” ameyo dardekerdene. Roja destpêkeerdişî de, xebatkarê Amedî yê ke warê kultur û hunerî xebitîyenê, endamê Kongreya Îslamî ya Demokratîke (DÎK) û mordemê girewteyan ameyî serdena çalakîye.
Guvene: Xoverdayîşê ma do bidomno
Guvene bi reyîrê 3Gyî keyeyê xo ra silam da kesanê salone û vat: “Wexto ke ez hepisxane de bîya zî mi zananyêne ke ma teyna nêyîme. Ma zananyêne ke şima waştişanê ma ra wayîr vejîyenê. Ma hepisxane de bicoşêko gird xo ver ro dayene û xoverrodayîşê xo hîna zî dewam kenîme. Peyê dêsan de cuye û azadîya rastikêne esta. Ma biheq îme, coka xoverrodayîşê ma roj bi roj girdêr beno. Beno ke nê rayîrî de ma ra tayê bikewê, la çîyo girîn amancê ma yo. Wextêko zaf nêzdî de çalakîya ma do ser bikewa.”
Ma çalakîya xo xurt bikerîmê
Guvene vist vîrî ke, selahîyetdarê dewlete 12ê Çele de Mehmet Ocalan şawitibi leyê Ocalanî û a zî hepisxaneyî ra ameye verdeyene û vat, “Dewlete di hamleyî kerdî, la ma her di hemleyî zî kerdî pûçî.” Guvene wina dewam kerd, “Ez zana ke zerrîya bi mîlyanan leyê mi de ya. Naye rê ez xo teyna nêvînena. Havelê mi der-dorê mi de yê, bi manewîyatêko gird ma çalakîya xo dewam kenîme. Ma na çalakîya xo xurt bikerîme, ma bikewîme mîyanê şarî xo. Nê weçînitişî de ma qetî şaredarîyan bigîme. Û gamanê înan pûç bikerîme. Xoverrodayîş ciwîyayîş o. AMED
