HBDH’ê bi daxuyaniyeke nivîskî ragihand ku hemû hêzên leşkerî, saziyên lojîstîk û malî û dezgehên çapemeniyê yên ku piştevaniya dagirkeriya dewleta tirk a li Rojava dikin, di hedefa hêzên wan de ne
Tevgera Şoreşger a Yekbûyî ya Gelan (HBDH) nerazîbûn nîşanî gefên dewleta tirk ên ji bo dagirkirina bakur û rojhilatê Sûriyeyê da û yên ku piştevaniya dagirkeriyê dikin hişyar kir.
Di daxuyaniya nivîskî ya HBDH’ê yê de ev tişt hatin gotin: “Divê bê zanîn ku gelên Rojava bi tenê nînin. Dagirkerî dê ji dewleta tirk bibe berdelekê giran. Hemû hêzên leşkerî, saziyên lojîstîk an jî malî yên vê dagirkeriyê, her wiha medya ku piştevaniya dagirkeriyê dikin di hedefa me de ne.”
HBDH’yê di daxuyaniyê de hesasiyeta pêvajoyê bi bîr xist û wiha bi dawî kir: “Em dengê xwe bilind dikin; Şoreşa Rojava ji bo gelên bindest ronahiya hêviyê ye. Divê destûr neyê dayîn ku ev ronahî bê vemirandin. Divê ev ronahî bê parastin û mezinkirin. Bi navê Tevgera Şoreşger a Yekbûyî ya Gelan li dijî vê dagirkeriyê em bi gelên Rojava re ne. Em bang li gelên bindest ên Tirkiye û Kurdistanê, her wiha bang li karker, kedkar, jin û ciwanan dikin ku li her devera lê ne li dijî dagirkeriyê bikevin nava liv û tevgerê.”
