Meclîsê Kede yê HDKyî seba tewrbîyayîşê 1ê Gulane eşkerayî da û va ‘Seba peynîbîyayîşê tecrîdî û cuyayîşê Leylayan û embazan’ bê raşteya 1ê Gulane
Meclîsê Kede yê Kongreya Demokratîke ya Şaran (HDK) derheqê Roşanê Kedkaran 1ê Gulane de eşkerayîyêka nuştekî weşêna. Eşkerayîye de ame vatene ke 1ê Gulane omudê karker, kedkar û şaranê bindestan yê ke azadî û xelisnayîşê xo gird keno û hêz dano têkoşînê înan yê azadîye yo. HDK eşkerayîya xo de va: “Dinyayêka bîn mumkun a. Wa tecrîd peynî bibo. Wa Leyla û embazê xo bicuyî. Ma raşteyanê 1ê Gulane de bibî. Hemverê tecrîdî de biherikên raşteyan.” ANQARA
