Berpirsa Komîsyona Koçber û Penaberan a HDP’ê Gulsum Agaoglu piştî windahiyên dewleta tirk ên li Idlibê derbarê mijara ku AKP penaber kirine hedefa xwe daxuyaniyeke niviskî da.
Di daxuyaniyê de hate gotin ku desthilata tirk AKP piştî windahiyên leşkerî yên 27’ê sibatê li Idlibê dîsa rahiştiye rota penaberan û got ku AKP penaber ji xwe re kiriye amûreke polîtîk, wekî çekê bikar tîne û ev tişt hat gotin: “Bi helwesta AKP’ê re penaber ji deverên cuda ên Stenbolê bi wesayitan li ber deriyên sînor hatine danîn û navbeynkarên ku bazirganiya mirovan dikin ketine dewrê. Penaber bi rêya bejahiyê û deryayî bi şertên xirab berê xwe dan sînorên Yewnanistan û Bulgaristanê. Di vê rêya taloke ya penaberan de ku AKP’ê ew ji xwe re kirine amûra şantaj û gefxwarinê, ji bûyerên mirinê û trajediya penaberan dê AKP berpirs be.” ENQERE
