Menga gulane sey menga şehîdanê azadîye yena zanayene û na menge de şehîdê azadîye yenê yadkerdene. Heyetê Rayberdişê Merkezî yê Partîya Demokratîke ya Şaran bi eşkerayîyêke şehîdê menga gulane yad kerd.
Eşkerayîye de ame vatene ke menga gulane de xeylê têkoşerê demokrasî û şorişî şehîd bîyê. Partîya Demokratîke ya Şaran (HDP) vat: “Serkêşê têkoşînê şoreş û sosyalîzmî Îbrahîm Kaypakkaya, Hakî Karer, Çar Şoreşger û şorişgêrê bînî vera faşîzmî xoverdayîş de şehîd bîyî. Kaypakkaya 18ê gulana 1973yî de Zîndanê Amedî de îşkence de adirê şoreş û azadîye geş kerd û tarîxê têkoşînî de ca girewt.
3ê gulana 1971î de Sînan Cemgîl û embazê ci vera emperyalîzm û kanwazîye Nurhakan de bîyî nameyê azadî û xoverdayîşî. Hakî Karer mîyanê têkoşînê hemparî yê kurdan û tirkan de 18ê gulana 1977î de Dîlok de bi komployêkî ame qetilkerdene. Ferhat Kûrtay, Mahmûd Zengîn, Eşref Anyik û Necmî Oner vera Darbeya 12ê Êlule bedenê xo kerd meşaleya azadîye. Ma nê şorişgêran bi rêzdarî yad kenê. Ma do mîrasê înan ê têkoşînî pîlêr bikerê, demokrasî, azadî û têdûştîye bîyarê nê welatî.” ANQARA
