Rayberê HDPyî yê Stenbolî û Hemvervatoxê Komîsyonê Huqûqî Avûkat Înan Poyrazî dîyar kerd ke her qeza de do di avûkatî bêrê wezîfedarkerdene û vengdayîşê bi avûkatan kerd
Stenbol de Yewşeme do newe ra weçînayîşê bêro kerdene. Rayberê Partîya Demokratîke ya Şaran (HDP) yê Stenbolî û Hemvervatoxê Komîsyonê Huqûqî Avûkat Înan Poyrazî va her qeza de do di avûkatî bêrê wezîfedarkerdene. Poyrazî derheqê babete de zanayîşî dayî.
Poyrazî ard ziwan, seba ke her qeza de tewr kêmî di avûkat bêrê wezîfedarkerdene ê bi hesasî xibetîyenê û vat, amancê nê xebatî o yo ke rayê Stenbolî vîndî nêbê. Poyrazî va ‘serdestdarîye bi zext û zordarîye îradeyê merdiman asteng kerd’ û da zanayene: “Seba ke îradeyê merdiman bi hawayêkê demokratîkî bêro nîşandayene, ma plansazîyêk kerd ke goreyê ney zî di hevalê ma yê avûkatî her qezayêk de bêrê wezîfedarkerdene.”
Derheqê asayîşê sindoqan de Poyrazî va: “Goreyê nîyadayîşê ma pawitiş û gêrayîşê heqê merdiman teyna salonanê dadgehan de nêbeno. Avûkatbîyayîş, huqûqnasbîyayîş teyna heqê merdimanê wekîlanê xo pawitiş nîyo. Vera nêhuqûqûye de vindetiş, hetkarîya seba bikarardişê heqî pawitiş o zî. Seba vejîyayîşê îradeyî xeylî muhîm o ke avûkatî verê sindoqanê rayan de bibê.”
Poyrazî va: “Avûkatê ke wazenê roja weçînayîşî wezîfe bikerê eşkenê muracat bi qezayêka HDPyî bikerê yan zî zanayîşan sazgeheyêkê ma ra bigêrê. Uca ra eşkenê biresê ma.”
Poyrazî tewr peynî vengadayîş kerd: “Vengdayîş bi heme hevalan rê kena ke wezîfedar bê.” STENBOL
