Hevserokê HDP’ê yê Dîlokê Muslum Kiliç diyar kir ku ji bo demokrasî bi pêş bikeve namzet nîşan nedane û di vê çarçoveyê de dê piştgiriyê bidin namzetê DSP’ê yê Şaredariya Bajarê Mezin a Dîlokê Celal Dogan
Parlementerê berê yê HDP’ê Celal Dogan ku demeke dirêj bû navê wî ji bo namzetiya Şaredariya Bajarê Mezin a Dîlokê derbas dibû, duh ji DSP’ê de bû namzet. Hevserokê HDP’ê yê Dîlokê Muslum Kiliç têkildarî namzetiya Dogan ji Ajansa Nûçeyan a Mezopotamyayê (MA) re axivî û diyar kir ku ew ji bo Serokatiya Şeredariya Bajarê Mezin a Dîlokê namzetan dernaxin û dê piştgiriyê bidin namzetê DSP’ê Dogan.
Kiliç anî ziman ku li gorî wan Celal Dogan xîtabî hemû beşên civaka Dîlokê dike û wiha got: “Weke HDP’ê li ser navê demokrasiyê namzetiya Celal Dogan em kêfxweş kirin. Li Dîlokê ji bo ku demokrastî bi pêş bikeve, me ji bo Serokatiya Şaredariya Bajarê Mezin namzet diyar nekir û em ê piştgiriyê dibin Dogan. Em di wê baweriyê de ne ku dê Celal Dogan bi xebatên xwe yên serkeftî, careke din bajarê me bi ser bixe.” DÎLOK
