Parlamenterê HDPyî yê Dêrsimî Alîcan Onluyî dîyar kerd ke ê tercihê şarê Dêrsimî rê hurmet mojnenî û va: “Ma kêmanîyanê xo vînenî û zaf hetan ra ercnenî. Ma do netîceyêk bivejî. Ma do wayîrê kultur, xoza û merdimanê Dêrsimî bivejîyî.”
Hetkarê Hemserekê Pêroyî yê Partîya Demokratîke ya Şaran (HDP) yê Berpirsîyanê Rêxistinkerdişî û Parlamenterê HDPyî yê Dêrsimî Alîcan Onlu derheqê netîceyê weçînayîşê herêmî yê 31ê Adare de eşkerayîyêk weşêna. Onlu derheqê netîceyê weçînayîşî de wina va: “Netîceyê kombîyayîşê meclîsê bajar û meclîsê şaredarîya Dêrsimî de namzedê îtîfaqê ma yê Yewîya Hêzê Şorişgerî bî yewin. Bajaroka Perî de partîya ma ser kewt. Ma kêmanîyê ke weçînayîş de bî sebebê binkewtişê ma vera şarê Dêrsimî ra ozrê xo wazenî. Ma kêmanîyanê xo vînenî û zaf hetan ra ercnenî. Ma do netîceyêk bivejî. Ma do wayîrê kultur, xoza û merdimanê Dêrsimî bivejîyî. Ma heme namzedan ra serkewtiş wazenî.” DÊRSIM
