HDP’ê bi daxuyaniyekê ragihand ku ji bo şopandina tedawiya girtiyên di girtîgehan de, heyet hatine peywirdarkirin û Maseya Koordînasyonê ya Giştî hatiye avakirin. Di asta herêman de jî Maseya Koordînasyonê ya Herêmê û Maseya Krîzê hatiye avakirin
Li ser banga Rêberê Gelê Kurd Abdullah Ocalan, çalakgerên di greva birçîbûnê û rojiya mirinê de dawî li çalakiya xwe anîn. Ji bo şopandina tedawîkirina çalakgerên greva birçîbûnê û çalakgerên rojiya mirinê yên di girtîgehan de, HDP’ê Maseya Krîzê ava kir. Li gorî daxuyaniya Beşa Çapemeniyê ya HDP’ê, ‘Maseya Koordînasyonê ya Giştî’ û ‘Maseya Koordînasyonê ya Herêmê’ hatiye avakirin.
Daxuyaniya HDP’ê ya têkildarî mijarê wiha ye:
“Grevên birçîbûnê û rojiyên mirinê di 26’ê gulanê de hatin bidawîkirin. Niha divê ji bo tendirustiya çalakgerên greva birçîbûnê xebat were kirin. Di vî warî de peywireke mezin dikeve ser rêxistinên tendirustî û kedê. Ji bo birêvebirina pêvajoya tedawiyê û çareserkirina kêşeyan, ji bo hevdîtinên bi rayedar û saziyan re, Maseya Koordînasyonê ya Giştî hatiye avakirin. Li vê maseyê endamên me û parlementerên me hene.
Di heman demê de ji bo şopandina tedawiya girtiyên di girtîgehan de, heyet hatine peywirdarkirin. Di asta herêman de jî Maseya Koordînasyonê ya Herêmê û Maseya Krîzê hatiye avakirin.
Telefona maseya krîzê ya HDP’ê: 0505 164 35 75
Armanca me ew e ku tendirustiya çalakgeran roj berî rojekê baştir bibe.” ENQERE
