Berdevkê HDP’ê Saruhan Oluç namzetên şaredariyên ku heta niha nehatine aşkerakirin, ragihandin. Di heman demê de Oluç da zanîn ku dê li Tirkiyeyê li gorî taktîka ku bi desthilatdariyê bide windakirin, tevbigerin
Berdevkê Partiya Demokratîk a Gelan (HDP) Saruhan Oluç, li navenda giştî ya HDP’ê geşedanên dawî yên li Tirkiye û bakurê Kurdistanê nirxand. Di heman demê de Oluç namzetên hin bajar û navçeyên ku heta niha nehatibûn aşkerakirin jî ragihandin.
Di civînê de Oluç di serî de bal kişand ser çalakiya greva birçîbûnê ya bêdem û bêdorveger a ku hevseroka Kongreya Civaka Demokratîk (KCD) û parlamentera HDP’ê ya Colemêrgê Leyla Guven ji bo rakirina tecrîda girankirî ya li ser Rêberê Gelê Kurd Abdullah Ocalan daye destpêkirin. Oluç bi bîr xist ku Guven 91 roj in di greva birçîbûnê de ye û wiha domand: “Rewşa Guven û girtiyên li zindanan di grevê de ne, ketiye asteke krîtîk. Ji bo ku balê bikişînin ser çalakiyê, me li meclisê dest bi Nobeta Aştiyê kir.”
‘Mafê Ocalan tê binpêkirin’
Oluç di berdewamê de jî daxuyand ku çalakiyên greva birçîbûnê ji bo rakirina tecrîda li ser Ocalan hatine destpêkirin û wiha domand: “Ji nîsana sala 2015’an heta niha 46 meh derbas bûn. Ango hezar û 400 roj derbas bûn. Di vê pêvajoyê de tenê 2 caran hevdîtinên ku 15 deqeyan hatine kirin. Ev yek hem di hêla mirovahiyê de û hem jî di hêla hiqûqî de nayê qebûlkirin. Divê mafê birêz Ocalan ê mirovî û hiqûqî neyê binpêkirin. Em careke din bang li desthilatdarî û wezareta dadê dikin ku gavan bavêjin.”
Taktîka HDP’ê ya li Tirkiyeyê
Piştre jî Oluç bal kişand ser stratejiya HDP’ê ya hilbijartinê û ev agahî dan: “Em nîqaşên li ser medyayê jinêz ve dişopînin. Her kesên ku dikevin ekranên televîzyonan, li ser HDP’ê nîqaşan dikin. Lê di nava wan nîqaşan de tu HDP’î nînin. Ango muxatabên nîqaşên li wir nînin. Em ê hemû şaredariyên ku qeyûm lê hatine tayînkirin, paşve vegerînin. Em dixwazin li rojavayê Tirkiyeyê jî bi desthilatdariyê bidin windakirin. Di vê çarçoveyê de jî hin gavên taktîkî hatine avêtin. Em ê li bajarên rojavayê Tirkiyeyê, li Yekitiya Hêzan beşdarî hilbijartinê bibin. Em ê di hilbijartinê de bi hêzên demokratîk re mil bidin milê hev.”
Bal kişand ser gotinên serçete Peker
Her wiha Oluç têkildarî daxuyaniya serçete Sedat Peker ku digot; ‘Bila her kes rahêlin çekan’ û ev nirxandin kir: “Gelo Sedat Peker desthilat e yan AKP? Divê partiyên siyasî bersiva van gotinan bidin. Balkêşe ku ev gef her tim beriya hilbijartinê tên kirin.” Oluç der barê namzetên Semsûr û Dîlokê jî ev tişt anî ziman: “Em ê di rojên pêş de namzetên Stenbol û Îzmîrê aşkera bikin. Li Dîlokê em ê piştgiriyê bidin namzetê DSP’ê Celal Dogan. Li Semsûrê em ê destekê bidin Ahmet Faruk Unsal.”
Navên kesên hatin hilbijartin
Herî dawî jî Oluç navên namzetên hatine aşkerakirin parve kir. Li gorî Oluç navên namzetan wiha ne:
AGIRÎ:
Navçeya Navendî: Yelîz Karaaslan û Abdurrahman Dogar
ÇEWLÎK
Navçeya Navendî: Hatîce Kavran û Hişyar Ozsoy
AMED
Çinar: Necla Tamrîş û Bedrî Kaya
ERZIROM
Xinûs: Nûrcan Felekoglu û Mehmet Bayraktar
ÎDIR
Halfelî: Merve Madak û Hasan Safa
MÊRSÎN
Akdenîz: Emîne Şilan Yuksekkaya û Alaattîn Erdogan
MÛŞ
Gurgum: Ulku Karaaslan û Mahmût Yalçin
SÊRT
Navenda Sêrtê: Bêrîvan Helen Işik û Resûl Kaçar
RIHA
Weranşar: Roza Yazmaci û Hidir Oktay
Serêkaniyê: Narîn Gezgor û Mehmet Alî Kahraman
Hawag: Rabîa Aslan û Mahmut Çakmak
DÊRSIM
Navenda Dêrsimê: Nûrşat Yeşîl û Hidir Demîr
Xozat: Îlknûr Dogan û Nesîmî Ataş
Pertek: Mustafa Taşkale
Mazgîrt: Alî Ekber Saratli
Akpazar: Songul Dogan û Orhan Çelebî
Nazimiye: Rahîme Kizilkan û Ozkan Arslan
Ovacik: Serpîl Argin û Sînan Zenk
Pulîmûriya: Gurol Yilmaz
Çemîşgezek: Suleyman Karadag
BALIKESÎR
Navenda Balikesirê: Alî Kenanoglu
KONYA
Şaredariya Bajarê Mezin a Konyayê: Hangul Işık û Giyasettîn Almaz
Cîhanbeylî: Serap Kaya û Mehmet Yalçin
Meram: Arîf Baş
Karatay: Abdurrahman Aslan
Ereglî: Siddik Atici
Selçuk: Ramazan Ot
YALOVA
Navenda Yalovayê: Semra Gonenç
MÛGLA
Navenda Mûglayê: Dîlek Dobrucali û Mehmet Polat
DENÎZLÎ
Navenda Denîzliyê: Şerîfe Yildirim û Mûsa Aydin ENQERE
