Heyetê Rayberdişê Merkezî yê HDPyî bi eşkerayîyêka nuştekîye qurbanê Qirkerdişê Armenîyan ê 24ê Nîsana 1915î yad kerdî.
Eşkerayîye wina ya:
“Qet yew nasname, ziwan, kultur yan zî bawerîyêke serê nê erdî de ê bînî ra cêrêr nîya. Na raştîye sey raştîya pêroyî ya komelkî û sîyasîye nêameye qebulkerdene. Vera sûcanê serê merdimatîye gama tewr girînge na ya ke ameyoxêko azad û têdûştî û haştîya komelî bêrê ronayene. Ma bi nê hîs û fikrî sey şaranê qedîman ê Anatolia û Mezopotamya dejê 108 serrî pare kenê û armenîyê ke 24ê nîsana 1915î de ameyê qetilkerdene bi xemgînî û bi rêzdarî yad kenê.” ANQARA
