Navenda Nûçeyan |
Kovara lêkolîn û rexneya wêjeyî Wêje û Rexneyê piştî navbereke dirêj hejmara xwe ya 12’an derxist. Edîtoriyê jî ev navber bi bîr xist û malavahiya xwendevan û piştgiriya PirtûkaKurdî kir.
Nivîsên têde
Di hejmara 12’an de nivîskarên li jêr gotarên li jêr nivîsîne:
Serdar Ay. Kovar: Der, Derdor, Tor
Jordi Tegel Gorgas; Pêwendiya Franco-Kurdî li Lubnan û Sûriyeyê (1930-1946) û bandora wê li ser nasnameya Kurdî ya neteweyî. Wergera ji Fransî Nebîyê Dûro kiriye
Dîlawer Zeraq; Wekî şûngeha dij-mêtinger; Gor di çîrokên “Leylana rastiyê” û “Li goristaneke Amedê” de
Zana Zengenî; Ji nifşe Hawarê şairekî nepenî: Xemgîn
Firat Aydinkaya; Di derbareyê “Nameya ji rewşenbîrekî Kurd bo Mistefa Kemal” da. Wergera ji tirkî Sînan Gultekîn kiriye.
Elîf Gun; Ji perspektîfa rexneya femînîst a wêjeyî, Lêkolînek li ser çîroka Nûredîn Zaza a bi navê “Gulê”
Serdar Ay; Li ser sansur û sirgûnê bi Yaqob Tilermenî re hevpeyvîn
Merve Şivan; Nêrîneke rexneyî li ser romana ‘Êvara perwaneyê’ ya Bextiyar Elî
Elîf Gun; Danaşîna çend xebatên di derbarê qonaxa Hawarê de
Bi sê zaraveyan weşan dike
Kovara lêkolîn û rexneya wêjeyî Wêje û Rexneyê di sala 2014’an de bi sê zaravayên kurdî; kurmancî, kirmanckî û soranî dest bi weşana xwe kir. Kovar 4 mehan carek dihat çapkirin. Ji aliyê din ve kovar cih nade berhemên wek helbest, roman, çîrok, şano û hwd. Kovar tenê makale û lêkolînên a ji bo rexne, wêje û bîrdozî diweşand.
Lê kovara piştî hejmara xwe ya 11’emîn ji ber nebûna nivîsan navber dabû weşana xwe.
