Hejmara 4’emîn a xêzekovara kurdî ‘Zrîng’ derket. Di hejmara nû de hem xêzkarên nû hene hem jî kovarê ragihandiye ku dê ji hejmara 4’an ve ji bo xêzkarên amator jî rûpelekê veqetînin
Hejmara 4’emîn a xêzekovara kurmancî û kirmanckî ‘Zrîng’ derket. Di vê hejmarê de ligel xêzên Dogan Guzel, Ender Ozkahraman, Îmam Cîcî, Eşref Mûmcû, Bunyamîn Karakoç û Ronî battê, her wiha xêzên Eceren û Kemal Gokhan jî hene. Her wiha dîsa Terstaqla Reco û Ozgur Amed jî bi nivîsên xwe yên mîzahî rengek cuda dane kovarê.
Zrîng ku ji 32 rûpelan pêk tê û mehê carekê dertê, di hejmara 4’emîn de ragihandiye ku dê ji hejmara 5’an pê ve ji bo amatoran jî rûpelekê veqetînin û cih bidin xêzên amatoran.
Zrîng, ji hejmara 3’yan pê ve li hemû bayiyên li Kurdistan û Tirkiyeyê tê firotin û peydakirin û êdî li Almanya, Swîsre, Parîs û Londonê jî tê belavkirin. AMED
