HPG’ê demek berê bi daxuyaniyekê ragihandibû ku hêzên wan di 5’ê çileyê de li Îdirê çalakî pêk anîne û herî kêm 5 leşker kuştine. Lê çavkaniyên ji herêmê dan zanîn ku piştî çalakiya gerîla, artêşa tirk 12 cenazeyên leşkeran bi helîkopteran ji herêmê birine
Şer û pevçûnên di navbera gerîlayên PKK’ê û hêzên artêşa tirk de berdewam in. Di çarçoveya şer û pevçûnan de gerîlayên PKK’ê li Îdirê li dijî hêzên artêşa tirk çalakî pêk anî. Hat zanîn ku di encama çalakiyê de gelek leşker hatin kuştin.
Navenda Ragihandin û Çapemeniyê ya Hêzên Parastina Gel (HPG) demek berê bi daxuyaniyeke nivîskî ragihandibû ku hêzên wan roja 4’ê çileyê saet dibderdora 02.00’an de li Îdirê li dijî hêzên artêşa tirk çalakiyeke bibandor pêk anîne. Di daxuyaniyê de HPG’ê destnîşan kiribû ku di çalakiyê de herî kêm 5 leşkerên artêşa tirk hatine kuştin.
Têkildarî mijarê çavkaniyên ji herêmê jî agahî dan. Çavkaniyan da zanîn ku di çalakiya gerîlayên HPG’ê ku li dijî yekîneya veşarî ya ku ji Qereqola Axurê derketibû operasyonê pêk anîbû de, 12 leşker hatine kuştin. Çavkaniyan ragihand ku cenazeyên leşkerên ku di çalakiyê de hatine kuştin, bi helîkopteran rakirine nexweşxaneyên li herêmê. ÎDIR
