Welatiyê bi navê Hekîm Loqman (45) ê ji Duhokê, di 31’ê tebaxê de wli semta Aksaray a navçeya Fatîhê ya Stenbolê rastî êrîşa bi kêran hat û jiyana xwe ji dest da. Li gorî parêzeran, şahidên bûyerê û xizmên Loqman, sedema êrîşa faşîstan axaftina bi kurdî bû. Tê gotin dema Loqman bi kurdî diaxivî gelek faşîstên dewleta tirk êrîşî wî kirine û wî qetilkirine.
Cenazeyê Hekîm Loqman li Duhokê hat veşartin, piştî wê xizmên Hekîm Loqman daxuyaniyek çapemeniyê dan û bang li hikûmeta Herêma Kurdistan û Iraqê kirin ku xwedî helwest bin.
Xizmên Hekîm Loqman di daxuyaniyê de axivîn û gotin; “Em dixwazin xwîna Hekîm vale neçe, kujer werin cezakirin. Em bang li hikûmetê dikin ku tedbîrên pêwîst bigire. Bi dehan leşkerên tirk li nav xaka Herêma Kurdistanê hene û digerin. Eger doza Loqman neyê çareserkirin em ê bi xwe tola xwe hilînin. Em nefret ji dewleta tirk dikin.”
Hêjayî gotinê heya niha Hhikûmeta Iraq û hikûmeta demborî ya Barzanî li ser mijarê ji tirsa Tirkiyeyê ti daxuyaniyek jî nedane.
