Qiseykerdişê Hêlîn Umîte ra tay noqtayê girîngî wina yê:
”Sîstemê qirkerdiş û îşkenceyî yê Îmraliyî yo ke Rayber Apo tede yo bêguman rojdemo verên o. Ma seba azadîya Rayberê xo 25 serrî yo payan ser de yê. Ganî ma bi israrî ney biwazê. Rayber Apo yeno manaya raştîya şarê kurdî. Ganî Rayber Apo bi nê hawayî bêro pênasekerdene û azadîya Rayber Apoyî sey azadîya şarê kurdî bêra dîyene. Seba ma seba têkoşînê ma Rayber Apo vengê azadîya şarê kurdî yo. Coka ganî her kes seba azadîya Rayber Apoyî têkoşîn berd bikero.
Polîtîkayê qirkerdişê xoza di hetan ra yenê pê. Oyo verên hêrişê modernîteya kapîtalîste, sîstemê kolonyalîzmî û çinkerdişê sîstemî yê. Oyo diyîn zî polîtîkayê qirkerdişî yê Kurdîstan û Tirkîya yê. Wexto ke babete yena Kurdîstan û Tirkîya ser di hetê nê raştîyan est ê. Tirkîya de cayê xoza yê tewr rindî hê yenê talankerdene û şar vera ney xo ver dano. Ez nê xoverdayîşî selam kena. Mugla-Akbelen de a raşte vera merdimatîye hêriş yeno kerdene. Merdimê ke wayîrê ê daran vejîyenê wayîrê merdimatîye zî vejîyenê.
Têkoşînê ekolojî ganî global bibo. Pêro şorişgêr, demokrat û merdimê mesuldarî yê Tirkîya ganî tewrê têkoşînê ekolojîkî bibê. Bi taybetî ganî nê kesî vera hêrişanê serê xozaya Kurdîstanî têbigêrê. Kurdîstan de merdimî bi zorî yenê koçberkerdene, wareyê înan yenê telankerdene. Yanî dewlete Kurdîstanî de bi armanc û polîtîkayanê cîyayan nêzdîyê xoza bena. Tirkîya de xoza seba rantî, Kurdîstan de seba îşxalî talan bena. Ganî ma vera nê kerdişan tim mîyanê xoverdayîşî de bibê. Nêbo ameyox do destê ma ra şoro.
Ez Konferansê Ciwanan ê PKKyî yê 1. selam kena. Ez pê bawer a ke birê nê konferansî do bi coş û qerardarî bêrê caardene. Seke Rayber Apoyî vatbi ‘Ma bi ciwanan dest pêkerd û bi ciwanan do ser bikewê.’ PKK partîya ciwanan a. Ciwanî her warî de serkêşîya ma kenê. Ciwanî rayîrî mojnenê ma, ruhî danê ma. Ez venga pêro ciwananê Kurdîstanî dana ke bi nê konferansî hîna zaf mîyanê têgêrayîşê ciwanan de bibê yew û têkoşînê xo berz bikerê.” BEHDÎNAN
