Hemşaredara Gimgimî Ulku Karaaslan û 9 tepişteyê bînî ameyî surgunkerdene
Zîndanê Tîpê Tyî yê Osmanîye ra 9 tepişteyî surgûnê zîndananê bînan bîyî. Hemşaredara Gimgimî Ulku Karaaslan zî surgunê Zîndanê Osmanîye bîye.
Tepişteyê ke 26ê kanûne de ameyî surgunkerdene nameyê înan wîna yê: Hasan Muhammed Îbîş, Yildirim Kiş, Adem Amaç, Mehmet Kilinç, Zenar Demîr, Suleyman Saçak, Mehmet Selîm Suer, Mehmet Emîn Dal û Sedat Karak. Tepişteyan ra tayî surgunê Zîndanê Mereşî bîyî ê bînî nêno zanayene ke surgunê kam zîndanan bîyî.
Hemşaredara Gimgimî Ulku Karaaslana ke herinda ci de qeyûm ame cakerdene a zî 26ê kanûne de Zîndanê Mûşî ra surgunê Zîndanê Osmanîye bîye. OSMANÎYE
