Hemşaredara Şaredarîya Sûrî ya Amedî Fîlîz Buluttekîne operasyonanê qirkerdişê sîyasîyî de keyeyê xo de ameye binçimkerdene, bînaya şaredarîye zî ameye sereştene
Polîsan Amed de serê sibayî eşt bînaya xizmetî ya Şaredarîya Sûrî ser. Polîsan dormeyê bîna girewte û bîna da cigêrayîşê polîsan zî dewam keno. Serê sibayî polîsan eşt keyeyanê Hemşaredara Şaredarîya Sûrî ya Amedî Fîlîz Buluttekîn û endamê Meclîsê Şaredarîye Yilmaz Ekenî ser. Cigêrayîşanê keyeyan ra dima Buluttekîne û Eken ameyî girewtene. Eren û Buluttekîne ameyî berdene bi Mudirîyetê Asayîşî yê Amedî. Cigêrayişê polîsan bînaya şaredarîye de hema zî dewam keno. AMED
