Polîsan bi sebebanê keyfîyan binçimkerdişsn rê dewam kenê. Nêno zanayene ke Hemşaredarê Pasûrî Mehmet Fatîh Taş çira ameyo binçimkerdene
Avûkat ke Hemşaredarê Pasûrî Mehmet Fatîh Taşî Eyup Aydenîzî da zanayene ke derheqê binçimkerdişî de sebebêk nêamo mojnayene û vat muwekîlê me bîlaheq ameyo girewtene.
Mudirê Karanê Fenî yê Şaredarîya Pasûrî Şener Aktaş, Hemserekê Partîya Demokratîke ya Şaran (HDP) yê qezaya Pasûrî yê Amedî Abîdîn Karaman, badê teqîyayîşê Pasûrî ameybî binçimkerdene. Serekkomaro tirk Recep Tayyîp Erdogan vatbî: ‘Do zafê kesî bêrê destbendkerdene.’ Nê qiseyê Erdoganî ra dima Hemşaredarê Pasûrî Mehmet Fatîh Taş zî ame binçimkerdene. Eyup Aydenîzo ke avûkatê Taşî yo Mûdirîyeta Emnîyetî ya Pasûrî de muwekilê xo dîyo. Aydenîz îfade kerd ke babeta binçimkerdişî de sebebêk nêamo mojnayene û her çiqas zaf waşt ke nêşikîyayo dozger de qisey biko. Avûkatê Aktaşî, Mehmet Oner zî îfade kerd ke hemşaredarî seba tahqîqatê teqayîşî nêamê binçimkerdene. Oner eşkere kerd ke dosyaya tahqîqatî de qerarê binçimkerdişan û raporê weşîye ra ber raporêk û delîlêk çin o. AMED
