Hemsereka Şaredarîya Pasûrî ya verên Sadîye Suera ke qeyûm tayînê herinda aye ameybî kerdene û 2 serrî yo ke Zîndanê Osmanîye de yena tepiştene, serbest ameye veradayene
26ê kanûna 2016î de bi Qerarnameyê Hukmê Qanûnî (KHK) qeymeqam Muhsin Çiçekî sey qeyûm tayînê Şaredarîya Pasûrî ya Partîya Herêmê Demokratîkî (DBP) ameybî kerdene. Hemsereka Şaredarîya Pasûrî ya verên Sadîye Suere bi mehneya seba ke destê qeyûmî nêtepişta û heqaret bi serekkomarî kerda, serê gerekerdişê endamanê meclîsî yê AKPyî ameyebî tepiştene. Suere bi mehneya nê sebeban 2 serr û nêmî ameye cezakerdene.
Ame zanayene ke ganî Suere aşman verê biameyêne tehlîyekerdene, labelê seba ke înfazê aye hetê rayîrberîya zîndanî ra ameyo veşênayene heta nika nêameya tehlîyekerdene.
Sadîye Suere vizêr saetanê ereyê şewe de Zîndanê Osmanîye ra ameye tehlîyekerdene û ameye Amed. AMED
