Hemserekê HDPyî Pervîn Buldan û Sezaî Temellî derheqê teqayîşê Pasûrî de eşkerayî dayî
Hemserekê Pêroyî Yê Partîya Demokratîke ya Şaran (HDP) Pervîn Buldan û Sezaî Temellî derheqê teqayîşê qezaya Pasûrî ya Amedî de eşkerayîyêka nuştekî dayî.
Eşkerayîya Hemserekanê HDPyî wina ya: “Ma hêrişo ke qezaya Pasûrî ya Amedî de pê ameyo û netîceyê teqayîşo ke 7 kesî cuya xo vindî kerdî û 10 kesî zî birîndar bîyî şermizar kenî. Ma kesê ke cuya xo vindî kerdî rê rehmet wazenî û keyeyê înan û şarê xo rê serweşî wazenî. Ma birîndaran rê zî şîfa wazenî.
No qet nîno qebûlkerdene. Ganî bi hawayo lez seba tehqîqatî gam bêro eştene. Ma selahîyetdaran ra wazenê ke berpirsîyarê qewimîyayîşî bêrî vînayene. Ewro hemserekê rêxisnina ma ameyî tepiştene û eştî keyeyê hemşaredarê ma ser. Herinda tehqîqatî de operasyon dima yî. No sereştiş zî îşaretê no yo.
Ma wazenê ke her vîncewê na herre de asayîş û aştî pê bêrî. Seba ke bibo cayêko ke merdim tede bicuyo, vindetişê ma yê sîyasetê demokratîke zelal o. Do hewldayîşê ma dewam bikerî.” ANQARA
