Hemserekê Pêroyî yê HDPyî Pervîn Buldane û Sezaî Temellîyî seba ‘belgeyê stratejî yê reformê hukmî yê Erdoganî de’ vatî ‘îtîrafê neheqîyanê giranan’ o. HDPyî va reform ‘nêpêbawer o’
Hemserekê Pêroyî yê Partîya Demokratîke ya Şaran (HDP) Pervîn Buldane û Sezaî Temellîyî bi eşkerayîyêka nuştekîye ‘reformê hukmî’ yo ke Serekkomarê tirkî Recep Tayyîp Erdoganî eşkera kerdo, ercnayî.
Eşkerayî wina ya:
“Belgeyo ke Erdoganî eşkera kerdo sey îtîrafêkê neheqîyanê giranan o û ame vatene, “Sernameyê ke amanc û hedefê belgeyî danê teber zî hetê dewleta demokrasî û huqûqî ra binê problemanê bingeyan xêz kenê. Bi vatişêko bîn, no belge îtîrafê neheqîyanê giranan o ke zirar û tehrîbatanê sîstemê edaletî û hukmî ra vejîyayê werte. Sîstemê hukmî, standardanê globalan û hedefanê edaletî ra qût bîyo, sere de azadîya îfadeyî, asayîşê şexsî û qedexeyê îşkenceyî, serê wareyê heq û azadîyan de bîyo çimeyê îxlalî û bi nê hawayî bîyo wasitayê zex û tasfîyekerdişê muxalîfan. Belgeyî de her çiqas ameyo nuştene, ’amanc, hedef û faalîyetî bi hawayêko şênber ameyo nuştene’ zî serê babetanê ke ma dayê zanayene de, tu vatiş û planêk şênberî çin ê. Sernameyanê derheqê heq û azadîyanê bingeyênan de, bi esasî bi sozdayîş û eşkerakerdişanê nîyetê sînorkerdişî de mendo. Nê planî de esas selahîyet û wezîfe aîtê parlamentoyî yo, seba amadekerdişê Planê Çalakîye yê Heqanê Merdiman ê bitesîr û hîrayî, waştişê înan o sereke o yo ke grubêka xebetî ya bi tewrbîyayîşê partîyanê meclîsî ya ke mutebeqato hîra û netîceyo lezkanî dayo xo ver, bêro awankerdene.” ANQARA
