Ame zanayene ke hepsîya bi nameyê Gullu Daşçiya ke Zîndanê Tîpa Eyî yê Mêrdînî de 86 rojî yo grevê vêşanîye yê bêdem û anêgêrayîşî de ya, gonî qelibna
Hepsîyê ke semedê şikitişê tecrîdê serê Rayberê PKKyî Abdullah Ocalanî grevê vêşanîye de yî ra yew zî Gullu Daşçiya ke Zîndanê Tîpa Eyî yê Mêrdînî de 86 rojî yo grevê vêşanîye yê bêdem û anêgêrayîşî de ya. Daşçiye 20ê Sibate de kewte grevê vêşanîye û bi qerardarî xover dana.
Daşçi 12 serrî cezaya zîndanî girewta û 2 serr û nîme yo zîndan de ya. Dayîka Daşçiye, Leyla Daşçiye (60) 15ê Sibate de şîye pêvînayîşê kênaya xo û dîyar kerde ke rewşa weşîya kênaya aye ver bi xidarî şona. Dayîk Daşçi qiseyekrdişê xo de qala rewşa weşîya kênaya xo Gulluye kerde û va: “Gulluye tewrê 14 embazanê xo grevê vêşanşye de ya. Kênaya mi 13ê Gulane roja Dişeme de 4 reyan gonî qelibnaya. Seba ke kênaya mi tedawî qebûl nêkerde, madeya aye de nêweşîya ulserî vejîyaya. Moralê heme hepsîyan baş bî. Heta ke talebê înan nêrî caardene do fek çalakîya xo ra vera nêdî. Ê hetê çalakîya xo de bi qerar î.” SÊRT
