Hepsîyê Zindanê Tîpa Tyî yê Şakranî ke seba wedarnayîşê tecrîdê serê Rayberê Şarê Kurdî Abdullah Ocalanî grevê vêşanîye de yî vatî: “Ma heme keyeyan û şarê xo yê rûmetdarî ra wazenê ke veng bidê nê rayraşîyayîşê ma yê pîrozî yê azadîye.”
Hepsîyê Zindanê Tîpa Tyî yê hûmara 2. yê Şakranî yê Îzmîrî de, Mehmet Yavûz, Necdet Kaya, Cengîz Dogan û Abdulbarî Yildirimî derheqê çalakîya xo de bi rayîrê keyeyanê xo peyam şawit.
Hepsîyan mesa xo de vatî: “Ma sey wendekar û fedaîyê Rayber Apoyî şa yê, aram ê û bimoral ê. Çunke game bi game ma ver bi azadîye şinê. Tu kesêk nêeşkeno ma rayîrê azadîye ra dûrî bikero. No xoverdayîşê ma yo pîroz ancax bi vengo gur, biheybet ê Rayberê ma yeno qedênayene. Heta ke ma nê vengî nêheşnê, wa qumanê kesêk ci ra çin bo ke ma do nê rayraşîyayîşê xo yê pîrozî dewam bikerê. Mehmet Durak, Nîhat Ekmez, Ramazan Atabey, Yakûp Guneş û Tanjû Yildirim 26ê Kanûna 2018î ra nata dest bi grevê vêşanîye kerdo, moralê înan baş o, bi coş ê û teyna tayê kîlo vîndî kerdo. Ma heme keyeyan û şarê xo yê rûmetdarî ra wazenê ke veng bidê nê rayraşîyayîşê ma yê pîrozî yê azadîye.” ÎZMÎR
