Vejîya werte ke tepişteyanê ke Zîndanê Şakranî de grevê vêşanîye û rojeyê mergî qedîna rîyê xidaya xeletî ra jehrî kewtî û ameyî berdene bi nêweşxane
Dayîka Hatîce Calihane ya ke 26ê gulane de grevê vêşanîye qedîna, Zeynep Calihana ke 5ê hazîrane de kênaya xo zîyaret kerde da zanayene ke îdareyê zîndanî xidaya xeletî daye tepişteyan û kênaya ci zî tede 5 tepişteyê sîyasîyî nêrehetîye ver ameyî berdene bi nêweşxane û di rojî servîsê acîlî de mendî.
Xoverdayoxê grevê vêşanîye û rojeyê mergî yê ke bi vengdayîşê Rayberê Şarê Kurdî Abdullah Ocalanî 26’ê Gulane de çalakîya xo qedînaye nênê tedawîkerdene. Vejîya werte ke xoverdayoxê Zîndanê Şakranî rîyê xidaya xelatî ra axû kewtî. Tepişteyan ra Hatîce Calihane pîya bi 4 embazenê xo bînan nêrehetîye ver ameyî berdene bi nêweşxane. Hatîce Calihana ke verê axubîyayîşî ANFyî rê qisey kerdbi vat: “Ma newe girevê vêşanîye ra vejîyayî la rixmê naye îdareyê zîndanî xidaya heste dano ma û 30 çalakgeran ra teyna 2 kesî ameyî berdene bi nêweşxane.”
Dayîka Hatîce Calihane Zeynep Calihana ke rixmê heme hêrişê polîsan semedê paştdayîşê kênaya xo û tepişteyanê sîyasîyan verê Zîndanê Gebze de bi mengan xover da vera nê nizdîbîyayîşê keyfî reaksîyon da û va: ‘’Vizêr (5ê Hazîrane) mi kênaya xo zîyaret kerde û eşnawit ke kênaya mi zî de tede 5 tepişteyî bi sebebo ke xidaya xeletî dîyaya înan rewşa înan xirabêr bîya û rîyê nêrehetîye ra ameyî berdene bi nêweşxane û 2 rojî servîsê acîlî de mendî.’’ Dayîke Calihane ard ziwan ke kênaya ci bîya zehîf la moralê ci ca de bi û îradeyê ci bihêz bi. Calihane da zanayene ke Şakran de tedawîyî goreyê standartan nêbenê û vat eke çîyêk bêro qijanê ma ser berpirsîyarê naye sere de Wezeratê Edalet û Weşîye îqtîdar o. STENBOL
