Zîndanê Xarpêtî bi binpaykerdişê heqê merdiman rojeve ra nêkeweno. Gardîyanê Zîndanê Xarpêtî yê Hûmara 2. yê Asayîşo Berz 4ê tebaxe de bi mehneya ‘Odeya cîrananê xo reyde qisey kerdî’ hepsîyan derb kerdî. Gardîyanan hepsîyo bi nameyê Medenî Kiyeyî bi giranî birîndar kerdî û Kiye êdî nêeşkeno qisey bikero
Zext û kerdişê serê hepsîyan dewam keno. Zîndanê Xarpêtî bi binpaykerdişê heqê merdiman rojeve ra nêkeweno. Gardîyanê Zîndanê Xarpêtî yê Hûmara 2. yê Asayîşo Berz bi mehneya ‘Odeya kiştê xo reyde qisey kerdî’ eştî qawişan ser û hepsîyan derb kerdî. Gardîyanan sereştişê qawişî de 15 hepsîyan derb kerdî û birîndar kerdî. Hêrişê gardîyanan de hepsîyo bi nameyê Medenî Kiyeyî bi giranî birîndar bî. Her çiqas ke Kiye xora şêro zî nêwedarîya nêweşxane û êdî nêeşkeno qisey bikero. Medenî Kiye serra 2006î de Erzirome de tewqîfkerde bî. Dima ra sewqê Zîndanê Îzmirî, ewja ra Panosî û tewr peynî zî sewqê Zîndanî Xarpêtî ame kerdene. Kiye demêko derg Zîndanê Xarpêtî de hucreyêko yew kesî de ame tepiştene û badê ke krîzê zerrî derbaz kerd ê berdî verê hepsîyanê bînan.
Waya Kiye Hatice Kiye dîyar kerde ke badê ke birayê aye raştê kutişî ameyo êdî nêeşkeno qisey bikero. Kiye daye zanayene ke ê badê ke hesîyayî hepsî raştê kutişî ameyî, kewtî mîyanê hewldayîşan û wina dewam kerde: “Ma muracatê Komîsyonê Zîndanan yê Baroya Wanî û Şûbeyê ÎHDyî daye û înan gere kerde. Avûkatî panşemeyo verên şîyî pêvînayîşê birayî mi. Avûkatan dîyar kerdî ke Medenî tu hawayî nêeşkeno qisey bikero û bi nuştiş qala hedîseyî kerdo. Rewşa birayê mi peymeyê îşkenceyî nîşan dana. No senî kovîtîyêk o? Ez dişeme selahîyetdaranê zîndanî gêraya. Vatî ‘Ma nêeşkenê derheqê hedîseyî de malumat bidî.’ Seba ke Medenî nêeşkeno qisey bikero, ma xapênenî û mi birayê mi reyde nêdanî qiseykerdiş. Cewab nêdîyeno telefonan.”
Kiye qiseykerdişê xo yê peyênan de wina va: “Ma cuya birayê xo raşikan kenî. Bi fermanê mudirî hêriş pê ame. Ma nika muxataban nêvînenî. Ma serê nameyê keyeyan muracatê gere kerdî. Sewbîna xeylê zîndanan de zî eynî caardiş, îşkence û sucî estî. Ma peynîya mesele vera nêdanî û ma do heta peynî heqanê xo bipawî.” WAN
