Hepsî Mehdî Bozo ke Zîndanê Xarpêtî de tepişte yo, dîyar kerd ke her çiqas ke nêweşîya ci biba zî lepikan nêdanî ci û bi mehneya ‘Şarî teşwîqê serewedarnayîşî keno’ kitabêk şîîrî ci rê qedexe kerdî
Hepsî Mehdî Bozî Zîndanê Hûmara 1. yê Xarpêtî de tepişte yo. Bozî zîndan ra mektubek erşawit Ajansê Mezopotamya (MA) rê û qala binpaykerdişê heqan yê ke zîndan de virazîyenî kerd. Bozî da zanayene ke nêweşîya xo vera lazimîya ci bi lepikan esta, labelê bi mehneya seba ke lepik lîsteya çîyê ke eşkenî bêrî herînayene de ca nêgêno, ci rê ameyo qedexekerdene.
Bozî dîyar kerd ke kitabê şîîran yê bi nameyê ‘Dilên Birîndar’ yê Cuneyt Karamanî bi îdiayê ‘Propogandaya rêxistine û şarî teşwîqê serewedarnayîşî keno’ nêdayî ci û ê raştê xeylê binpaykerdişan yenî.
Bozî mektuba xo de binpayerdişê zîndanî wina rêz keno:
* Ma çapemenî û weşanê sosyalîstan nêgênî. Herînayîşê kitaban de sînor esto.
* Her ca de saetê pêvînayîşî saetêk o, labelê tîya de 35-40 deqe yo. Heqê sohbetî yê hewteyî yeno binpaykerdene. O zî aşmêk de 2 reyan qasê 45 qedeyan o.
* Aşme de tena 10 rojnameyê Yenî Yaşamî dîyenî. Tay reyan rojnameyê Evrenselî nêdîyeno.
* Demêk o problemê mi yê weşî estî. Labelê reyna zî dermanê mi nêdanî.
* Destanê mi de nêweşîyê sey Anemî (bêgonî) û Dermatît (kêmgirewtişê çermî) estî. Cok ra ganî ez hewayo serd de lepikan bikera destê, labelê bi mehneya ‘lepik qedexeyo’ nêdanî. ANQARA
