Cayê rindikî yê Mûnzûrî ke her serre hetê bi hezaran kesan ra yenî zîyaretkerdene her ke şono yenî herimnayîş
Cayê rindikîyê ke qezaya Pulurî ya Dêrsimî de yî aşmanê hamnanî de hetê bi hezaran kesan ra yenî zîyaretkerdene. Nê rojan de 19. Festîvala Kultur û Xoza ya Mûnzûrî vera hûmara zîyaretkerdoxan xeylê zêdîyaya û problemî zî hîna zêde asîyenî. Nê probleman ra yew zî herimnayîşê nê cayan o. Esnafê dorme dîyar kerdî ke zîyaretkerdoxê ke yenî herême xo dima eşteyan vera danî û hetê pakîya dorme de baldar tê nêgêrenî. Esnafan dayî zanayene ke hemwelatijê Dêrsimî awa Mûnzûrî şîmenî, la zîyaretkerdoxê ke yenî ewja eşteyanê xo erzenî mîyanê awa Mûnzûrî û asnawe kenî.
Esnafan vatî: “Ma verê cû solanê xo vetêne û bi no hawa ameyêne herême tîya. Ma gore tîya bimbareko. Tîya plaj nîyo. Eke komelêk ziwan, urf û adetanê xo vindî bikero, o komel çon beno. Ganî ma wayîrê ziwan ûkulturê o bivejîyî.” DÊRSIM
