Çalakiya greva birçîbûnê ya endezyar Herêm Mehmud a li dijî tecrîdê daye destpêkirin, 16 roj li pey xwe hişt. Mehmud diyar kir ku ew bi ruhê berxwedana Germiyanê dest bi çalakiyê kiriye û heta şikandina tecrîdê dê çalakiya xwe bidomîne
Çalakiya greva birçîbûnê ya bêdem û bêdorveger a endezyar Herêm Mehmud li dijî tecrîda li ser Rêberê Gelê Kurd Abdullah Ocalan berdewam dike. Herêm Mehmud di 24’ê sibatê de ji bo şikandina tecrîd û piştigrîdayîna Leyla Guven ketiye greva birçîbûnê. Çalakiya Herêm 16 roj li pey xwe hişt.
Herêm Mehmud li ser rewşa xwe û çalakiya xwe ji RojNews re axivî û ev tişt anî ziman: “Îro çalakiya min di roja 16’an de ye. Heya niha min 5 kîlo winda kiriye. Lê moralê min bilind e û min vê çalakiyê bi ruhê Germiyanê destpê kiriye. Heya ku tecrîd were şikandin dê çalakiya min berdewam bike.” HEWLÊR
