PDK têgêrayîşanê xo yê provakatîfan dewam keno. Goreyê zanayîşanê ke çimeyanê herêmîyan ra ameyî girewtene fermandarêkê hêzanê PDKyî waranê Batûfa, Seydai Bêqulkê, Girê Bîyê, Cidîdkê yê herêma Berwarîye de kombîyayîşî kerdî. Fermandarî hêzanê PDKyî ra waşt ke vera Têgêrayîşê Azadîye yê Kurdan tedbîran bigêrê û amadekarîyan bikerê.
Roniştoxanê Berwarîye pare kerd ke herême de gerîlayî çin ê, coka nê kombîyayîşî seba provakasyon ê.
Goreyê zanayîşan 15ê teşrîna verêne de Berpirsê PDKyî yê Dihokî Şêx Elo, Serbest Lezgîn û Berpirsê Hêzanê Zêrevanî Ezîz Weysî, îstîxbaratê leşkerî ra Brûsk û îstîxbaratê tirkan ra komêke Kanîmasî de kombîyayîşêko winasên kerd.
Balkêş o ke dima ke endamê Asayîşê Kanîmasî Gazî Salih Alîhanî hetê kesanê nênasan ra 8ê teşrîna verêne de ame kiştene, no kombîyayîş ame kerdene. BEHDÎNAN
