Platforma Em ê Cînayetên Jinan Rawestînin, rapora xwe ya cînayetên jinan a meha mijdarê aşkera kir. Li gorî raporê di meha mijdarê de herî kêm 39 jin hatin qetilkirin
Platforma Em ê Cînayetên Jinan Rawestîn in (KCDP) rapora xwe ya cînayetên jinan a meha mijdarê aşkera kir. Li gorî raporê di meha mijdarê de, herî kêm 39 jin ji aliyê zilaman ve hatine qetilkirin. Li Tirkiyeyê, di 11 mehên derbasbûyî yên sala 2019’an de, herî kêm 430 jin ji aliyê zilaman ve hatin qetilkirin.
Platforê raporê de diyar kirin ku jin herî zêde bi çekê hatine kuştin û derbarê kuştinên jinan de ev agahî dan: “8 jin bi amûrên birînê, 5 jin bi lêdanê, 3 jin bi madeya kîmyewî, 3 jin ji cihê bilind ketinê, jinek bi xeniqandinê û jinek jî hem bi madeya kîmyewî û hem jî ji cihê bilind ketinê, hatin kuştin. Di heman demê de awayê kuştina 5 jinan jî nehat tespîtkirin. Di meha mijdarê de ji 39 jinên hatin qetilkirin 11 jê nehat zanîn ku ji aliyê kêve hatine kuştin. 11 jin ji aliyê hevjînê xwe ve, 2 jin ji aliyê hevjînên xwe yên berê ve, yek jin ji aliyê heskiriyê xwe yê berê ve, 4 jin ji aliyê bavên xwe ve, 3 jin ji aliyê xizmên xwe ve, 2 jin ji aliyê kurên xwe ve, yek jin aliyê birayê xwe ve û 4 jin jî ji aliyê heskiriyên xwe ve hatin kuştin. Her wiha di meha mijdarê de herî zêde jin weke Stenbol, Antalya û Îzmîrê hatin kuştin. 39 jinan 30 jê di malên xwe de hatin kuştin.” ENQERE
