Çeteyê DAIŞî şewa verên Xaneqînî de hêrişê nuqtaya leşkerî ya hêzê Heşdî Şeebî kerdî. Netîceyê hêrişan de 6 endamê Heşdî Şeebî ameyî kiştene û 8 zî birîndar bîyî
Hêrişê çeteyanê DAIŞî yê vera herêma Xaneqînî dewam kenî. Na çarçewe de çeteyê DAIŞî şewa verên nizdîyê bîrê petrolî ya qezaya Xaneqînî de hêrişê nuqtayêka leşkerî ya hêzê Heşdî Şeebî kerdî. Badê hêrişî mabenê çeteyanê DAIŞî û hêzê Heşdî Şeebî de pêkewtiş vejîya.
Goreyê xeberanê herême netîceyê hêrişî de 6 endamê Heşdî Şeebî ameyî kiştene û 8 zî birîndar bîyî. Nîno zanayene ke netîceyê pêkewtişî de çend çeteyê DAIŞî ameyî kiştene ya zî birîndarkerdene. XANEQÎN
