Hemverê qereqolê cendirmeyan yê Bukardî yê mabenê Xarpêt û qezaya Licê de hêriş pê ame. Netîceyê hêrişî de leşkerêk birîndar bî. Çimeyê herême dîyar kerd ke operasyono ke 19ê adare de mabenê Farqîn, Hazro û Pasûri de destpêkerdbî zî peynî bîyo
Şewa verê cû hemverê qereqolê cendirmeyan yê Bukardî yê mabenê Xarpêt û qezaya Licê de hêriş pê ame. Netîceyê hêrişî de leşkerêk birîndar bî. Çimeyê herême dîyar kerd ke eskero ke birîndar bîyo pê teyare Licê ra berdî Amed. Sewbîna çimeyê herême da zanayene ke hêriş ra ver 19ê adare de bi tewrbîyayîşê teyareyan operasyon dest pêkerd. Operasyonê eskerî yê mabenê Farqîn, Hazro û Pasûrê destpêkerdbî zî peynî bîyo. Sewbîna ame vatene ke xeylê qorîcîyî zî tewrê operasyonî bîyî û operasyon de sereştişê xeylê dew û keyeyan virazîyayo û badê cigêrayîşê dew û keyeyan operasyon peynî bîyo. AMED
