Kurdistanî û dostên wan ên li gelek bajarên dewletên Ewropa û dewletên din li dijî êrîşên qirker û qetlîama dewleta Tirk a li Serêkaniyê daketin qadan.
Ingilîztan
Li dijî êrîşên dagirkeriyê û bi taybet piştî qetlîama dewleta Tirk a li Serêkaniyê Kurdistanî û dostên wan daketin qadan. Di çalakiyên li London, Exeter, Brîghton, Readîng û Cardîff ên Qiralyeta Yekbûyî hatin kirin de li gel parlementerên herêmî, sendîkavan, endamên rêxistinên mafê mirovan ên li dijî şer û bi sedan kes amade bûn.
Di çalakiyan de li gel alên YPG/YPJ’ê posterên Rêberê Gelê Kurd Abdulalh Ocalan hate hildan û bi dirûşm û pankartên hatine hildan hêrs û nerazîbûnên li dijî dewleta Tirk û Erdogan hatin nîşandan. Di çalakiyê de banga boykotkirina Tirkyeyê jî hate kirin. Di axaftinên hatin kirin de hate gotin ku divê Îngîltere mudaxeleyî êrîşên dagirker ên dewleta Tirk bike.
Li ser banga Meclîsa Gel a Kurd girseya gel li pêşiya avahiya Wezareta Downîng Street hatin ba hev, li vir tim dirûşmên ‘Terorîst Erdogan’ û ‘Terorîst Tirkiye’ qîrkirin.
Di vê navê de komek sosyalîst li Balafirgeha Heatrow çalakiyek kirin û dirûşmên ‘Dewleta dagirker ji Rojava bi cehenimin’ hate qîrkirin. Rêwiyan jî eleqeyek mezin nîşanî çalakiyê dan.
Li bajarê Exeter jî meşek hate kirin û di dema meşê de alîgirên faşîst ên Tirk ketin pey provakasyonan. Li ser nerazîbûna gel û hêrsa wan provakator bi alîkariya polîsan ji qadê hate dûrxistin.
Li aliyê din li gelek bajarên Îngîltereyê bi pêşengtiya Meclîsên Gelê Kurd bi tevlîbûna parlementerên xwecihî, sendîkavan, rêxistinên civaka sivîl dagirkeriya Tirk hatin protestokirin.
Fransa
Li bajarê Montpeîllîer, Marsîlya û Reîms ên Fransayê Kurdistanî û dostên wan ên daketin qadan êrîş û qetlîamên dewleta Tirk ên li Bakur û Rojhilatê Sûriyeyê protesto kirin. Di çalakiyan de hevserokê Navenda Civaka Kurd a Demokratîk Cevdet Guneş axivî û got: “Heta dawî em ê li dijî êrîşên hov ên rejîma Tirk li ber xwe bidin.” Dîsa banga tevlîbûnên xurt a ji bo çalakiyan hate kirin.
Almanya
Li bajarê Munîh, Kassel û Darmestadt ên Elmanyayê jî êrîşên qirker û dagirker ên dewleta Tirk ên li ser Bakur û Rojhilaêt Sûriyeyê bi çalakiyên cihê hatin protestokirin. Di çalakiyan de daxwaz hate kirin ku gelê cîhanê li dijî êrîşên dagirker bêdeng nemînin. Dîsa Tevgera Ciwanên Şoreşger û Jinên Ciwanên Azad li dijî êrîşên dewleta Tirk û çeteyên wê rojên borî pêngavek bi navê ‘Nehêle’ dabûn destpêkirin.
Ewûstûrya
Li bajarê Graz a Ewûstûrya çalakiyek hate kirin û di çalakiyê de Hevserokê Civaka Azad a Ewûstûrya Halîs Sever axivî û diyar kir ku têkoşîna gelê Kurd pîroz e, wê di encamê de berxwedan bi ser bikeve.
Swêd
Stockholm
Nêzî saet 16:00’an Kurdistanî û dostên wê li pêşiya konsolxaneya Tirk çalakiyekî bi mebesta protestokirina êrîşên dewleta Tirk a li ser Rojava kirin. Di saetên êvarî de li meydana Sergelstorg ya navenada bajar dûbare çalakiyek pêkanîn.
Zuhaîr Kajazadeh yê Rojhilatî di axaftina xwe de got: “Dewleta faşîstê Tirk ji bo ku Kurdan ji holê rake Rojava bombebaran dike û dixwaze dagir bike.”
Kajazadeh diyarkir ku ew bibawere ku vê Kurd heta dawî li dijî hewildanên qirkirinê yê dewleta Tirk berxwe bide û domand: “em her roj dadikevin qadan û dewleta Tirk protesto dikin. Divê cîhan û tevahî Ewropa bertek û nerazîbûnên Kurdan bibînin û li hemberî dewleta Tirk helwest bigirin.”
Gavle
Di çalakiya ku li meydana Stortorgetê pêk hat de Brûsk Rojava daxuyaniya çapemenî ya Navenda Civaka Kurd a Demokratîk xwand.
Li ser navê Malbatên Şehîdan Vecdîn Batte axivî û bal kêşa ser pêkanînên dewleta Tirk ku dixwaze gelê Kurd û kêmnetewên din ên Rojava qir bike. Nûnerên partiyên siyasî ku di mîtîngê de axivîn û dewleta Tirk bi sûçên şer tawanbar kirin û bangewvazî kirin ku dewleta Tirk ji Rojava derkeve.
Sandvîken
Kurdistanî û dostên wan ên li navenda bajar kom bûn, bi meş û mîtîngekê dagirkeriya Tirk hate protestokirin. Nûnerên partiyan di axaftinên kirî de dewleta Tirk bi sûcê şer sûcdar kirin û banga derketin ji Rojava kirin.
Hudîksvall
Di çalakiya ku li navenda bajar pêk hat de, li ser navê Partiya Çep Charlîne Kîffer Gaude bibîr xist ku li Swêdê rayekî bihêz li dijî dagirkeriya dewleta Tirk a li ser Rojava çêbûye û got “Hê ji niha ve me karî ku firotina çekan a ji bo Tirkiyê bidin ragirtin. Divê Swêd niha jî ji bo ku Bakurê Sûriyeyê wekî herêma ji firînê re qedexe bê îlankirin, bixe rojeva Netewên Yekbûyî.”
Goteborg
Ev heftiyeke ku heta niha hemû rojê Kurdistanî û dostên wê dadikevin meydanan û dagirkeriya dewleta Tirk protesto dikin, îro dîsa li meydanan bû. Kurdistaniyên ku li Meydana Brunnparken kon vedabûn, heta saetên derengê şevê bi awayên devkî û nivîskî di derbarê dagirkeriyê de gelê Swêdê agahdarkirin.
