Hemwelatijê ke Hesenkeyf de vindertişê xebatanê raşanayîşî firsend dî, dêz û tîtikê ci de vejîyayî geyr
Hesenkeyfo 12 hezarî serre ke yeno waştene bi viraştişê Awbendê Ilisûyî binê awe de bêro verdayene mengêk o ke xebatê raşanayîşê ci ameyê vindarnayene.
Heta ewro Zîyara Zeynelbeyî, Hemamê Artûklûyî, Bero Werteyên o tarîxî ke nameye ci yo bîn Berê Roma yo, Zîyareta Îmam Abdullahî, Camîya Eyyûbî, Camîya El-Rizkî û mînareyê tarîxîyî yê Camîya Eyyûbî ameyê kiriştene bi cayê Hesenkeyfî yê neweyî wareyê Arkeoparkî ke 3 kîlometreyî dûrê cayê tarîxî yo. Nê wextanê ke raşanayîşê Dêzê Hesenkeyfî ameyo vindarnayene de rengê wisarî her cayê ci de xo ramojnenê.
Tîtik de geyr
Hesenkeyf de menganê ravêrteyan de şikeftanê hewt qatan de rîyê krîzê ekonomîkî ra xebatê raşanayîşî yê ke ameyêne kerdene ameyî vindertene. Hemwelatijanê ke no firsend dî tîtikê newala xorîye ya ke bi mengan o dekewtişê ci qedexe yo de dest bi geyrî kerd. Rixmê rayîranê tengan û zemînê şemitokî de hemwelatijî seba ke bieşkê berhemê bêhempa yê xozaye bivînê vejênê tîtikî ser.
Game ke dêzî ra ewnîyeno şopê raşanayîşî yenê dîyene
Kîşta tîtiko ke rîyê raşanayîşî ra dekewtişê ci qedexe bi, dekewtişê Dêzê Hesenkeyfî zî qedexe bi. Hemwelatijê ke vejîyayî dêzî ser ke tede vilikê Kanolayan yenê, ûca ra hem mekananê tarîxîyan ê şaristanî vînenê û hem zî tehrîbato ke rîyê raşanayîşî ra vejîyayo werte vînenê. Hetêna ra bala kesî ancena ke cugehê Hesenkeyfî yê neweyî de yew dare zî çinya. ÊLÎH
