Heyeta KNK’ê di çarçoveya hevdîtinên xwe yên ji bo pêkanîna yekitiya netewî de, bi Tevgera Azadî re civiya
Hevdîtinên şandeya Kongreya Netewî ya Kurdistanê (KNK) yên ji bo yekitiya netewî û lidarxistina kongreya netewî, li başûrê Kurdistanê dewam dikin. Divê çarçoveyê de heyeta KNK’ê li bajarê Silêmaniyê bi heyeteke Tevgera Azadî re civiya.
Piştî civînê daxuyaniyek çapemeniyê hat dayîn. Endama konseya rêveber ya KNK’ê Şehla Xefid axivî û wiha got: “Di nava gel de yekitiya netewî çêbûye, me dît ji her çar parçeyên Kurdistanê ji bo parastinê çûn rojavayê Kurdistanê. Hêvîdar im hizb jî nakokiyên xwe bidin aliyek û yekitiya gelê kurd pêk bînin.”
Endama Desteya Rêveber ya Tevgera Azadî Bêrîvan Ehmed jî da zanîn ku divê hemû aliyên siyasî, pêşwaziya berpirsyartiya rêxistina nava mala kurdan bike û got ku nabe di vê qonaxê de hizb û aliyên siyasî weke dema borî nêzî mijara yekitiyê bibin û pişta xwe bidin daxwazên gel. SILÊMANÎ
