Endama Konseya Pêroyî ya KBDHyî Sarya Hêvî bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan eşkerayîyêka bi vîdeoyî weşanaye.
Hêvî Sarya vat: “25ê Teşrîna Peyêne vera dewletanê burjuva, dîktatorîyanê faşîstan û dişmenanê cinîyan vengdayîşê cinîyan o. Ma pêro cinîyan ê têkoşeran selam kenê. Ma reyna soz danê ke şerê azadî, rûmet û têkoşînî de azadîya xo yê cinîyan bi şorişê cinîyan tacîdar bikerê. Vera îşxal û şîdetê camêrd-dewlete ganî cinîyî têkoşînê yewbîyayeyî rêxistin bikerê. Geşkerdişê şerî, zêdînayîşê çalakîyan, berzkerdişê xoverdayîşê gerîlayan û milîsan wezîfeyê tewr lezabezî yê. Vera şîdetê camêrd-dewlete bi sloganê ‘jin, jiyan, azadî’ ma bikewê waran û çeperanê xoverdayîşî.
Şorişê cinîyan Rojawan de ewro payan ser de yo. Serewedaritişê cinîyan û şaran ê Rojhelatê Kurdistanî hêvîyêka pîle aferneno. Têgêrayîşê cinîyan ê Vakurê Kurdistanî tersêkê pîlî visneno zerrîya dewleta burjuva. La ê do nêeşkê verê berzbîyayîşê têkoşînê cinîyan bigêrê. Ma 25ê Teşrîna Peyêne de her ca de vejîyê meydanan. Vera şîdetê camêrd-dewlete ma vajê ‘jin, jiyan, azadî’ û verê xo bidê şorişê cinîyan.”
