Li Qersê polîsan di saetên serê sibê de, bi ser malên rêveberên Partiya Demokratîk a Gelan (HDP) û Şaredariya Qersê de girtin. Hevşaredara Qersê Şevîn Alaca û Hevserokê HDP’ê yê Bajêr Cengîz Anli jî di nav de gelek kes di çarçoveya lêpirsîna Serdozgeriya Komarê ya Qersê bi rêve bir de hatin binçavkirin. Hat diyar kirin ku derbarê 19 kesan de biryara binçavkirinê heye. Hat ragihandin ku HDP’î bi îdîaya ‘endamtiya rêxistinê’ hatin binçavkirin û ew birin Miduriyeta Ewlekariyê ya Bajêr.
Navê kesên hatin binçavkirin wiha ne: Hevşaredara Qersê Şevîn Alaca, Hevserokê HDP’ê yê Bajêr Cengîz Anli, Alîkara Hevserokên Şaredariyê Mûazzez Çagritekîncî, Fahrettîn Kaya, Kaya Nakî, Suat Bayhan, Hamît Taşdelen, Reîs Baykiz, Zorba Başkurtlu, Bulent Agbaba, Şengul Erkmen û rojnameger Sevda Manduz. QERS
