Hevşaredarê Colemêrgê Cîhan Karaman ê du roj berê hatibû binçavkirin îro ji aliyê dadgehê ve hat girtin
Hevşaredarê Colemêrgê Cîhan Karaman du roj berê di serdegirtina malê de hatibû binçavkirin. Piştî îfadeyên li emniyetê Karaman îro derxistin Dadgeha Colemêrgê. Dozger îfadeyên Karaman girt û bi daxwaza girtinê sewqî Dadgeha Cezayê Sulhê ya Nobedar a Colemêrgê kir. Dadger bi îdiaya îfadeyên şahidên nepen û parvekirinên medya civakî Karaman da girtin.
Li aliyê din îfade dayîna hevşaredarên Geverê Îrfan Sari û Remziye Yaşar a li dozgeriyê jî didome.
Li aliyê din Hevşaredarên Nisêbînê Semîre Nêrgîz û Ferhat Kut û endamê Meclisa Şaredariyê Mehmet Emîn Alkan ê du roj berê hatibûn binçavkirin, piştî îfadeyên wan li emniyetê hatin girtin sewqî Dadgeha Mêrdînê hatin kirin. COLEMÊRG / MÊRDÎN
