Hevşaredarên Bajarê Mezin ên Amedê yên HDP’î Adnan Selçuk Mizrakli û Hulya Alokmen Uyanik, ji Lijneya Hilbijartinê ya Bajar mazbata xwe wergirtin
Hevşaredarên Bajarê Mezin ên Amedê yên HDP’î Adnan Selçuk Mizrakli û Hulya Alokmen Uyanik, ji Lijneya Hilbijartinê ya Bajar mazbata xwe wergirtin. Piştî hevşaredaran mazbata xwe girtin, li gel parlamenter û rêveberên HDP’ê li pêş Edliyeya Amedê daxuyani dan çapemeniyê. Mizrakli li vir axaftinek kurt kir û wiha got: “Dereng be jî me mazbata xwe girt. Piştî rejîma qeyûm di roja hilbiratinê de gel mazbata da me. Niha em di bin baranê de vê daxuyaniyê didin. Bila dipolên barana li ser serê me dipare bibe aştî. Me roja ewil mazbata xwe ji gel girt. Îro 160 roj in Leyla Guven li dijî tecrîdê di grevê de ye. Bi hezaran girtî li girtîgehan di greva birçîbûnê de ye. Em hêvî dikin ku ev daxwaza wan rê li pêş aştiyê veke. Tecrîd li dijî mirovahî û hiqûqê ye. Em hêvî dikin ku êdî ev pêvajo bibe destpêka aştiyek mayînde.” AMED
